Hüquqinfo.az bildirir ki,
Bundan sonra ödəniş etmək üçün hər dəfə bank kartını və ya smartfonu çantadan çıxarmağa ehtiyac yoxdur.
“Hüquqinfo.az” “Xəzər TV”yə istinadən xəbər verir ki, artıq ovuc içi ilə ödəniş mövcuddur.
Layihə rəhbərlərinin sözlərinə görə, bu sistem Çin, Amerika, Özbəkistan və bir sıra digər ölkələrin təcrübəsinə əsaslanaraq ölkəmizdəki rəqəmsallaşma dalğasına dəstək üçün tətbiq olunub. Qeydiyyat prosesi MPay tətbiqi və SİMA vasitəsilə cəmi 3-5 dəqiqə vaxt alır. Ödəniş zamanı vəsait birbaşa cüzdan balansından çıxılır. Ən maraqlısı isə odur ki, əldəki kiçik cızıqlar və ya yaralar ödənişə mane olmur, çünki cihaz əl izini yox, dəri altındakı damar sxemini oxuyur.
Məlumata görə, tətbiq hər iki əli tanıdığına görə bir əldə problem olduğu zaman digər əllə də ödəniş etmək mümkündür.
Keçən ayın sonundan istifadəyə verilən tətbiqdən artıq 2000-ə yaxın vətəndaş qeydiyyatdan keçib.
