Hüquqinfo.az bildirir ki,
Vətən müharibəsində qazanılan Zəfər, antiterror əməliyyatı ilə Azərbaycanın suverenliyinin bərpa olunması tarixi ədalətsizliyə son qoydu.
"Hüquqinfo.az" xəbər verir ki, bu fikirləri Milli Məclisin deputatı Elnarə Akimova deyib.
O qeyd edib ki, Azərbaycan xalqının Qarabağ yaddaşı onilliklər boyu müharibə, itki, məcburi köçkünlük və doğma torpaqlara qayıtmaq ümidi ilə yoğrulub.
Deputat xatırladıb ki, bu gün Qarabağ və Şərqi Zəngəzurda genişmiqyaslı quruculuq işləri aparılır:
"Yeni yollar, yaşayış məhəllələri, məktəblər, xəstəxanalar və digər infrastruktur obyektləri inşa olunur, keçmiş məcburi köçkünlərin doğma torpaqlarına qayıdışı həyata keçirilir. Bir vaxtlar dağıdılmış və boş qalmış ərazilərdə yenidən həyat canlanır. Amma qurulan hər yeni evin, çəkilən hər yolun, yenidən həyat qayıdan hər kəndin arxasında bir tarix dayanır. O tarixin ən ağrılı səhifəsində şəhidlərin adları yazılıb".
