Hüquqinfo.az bildirir ki,
ABŞ-nin "İqtisadi təcrid" əməliyyatı İran rialının məzənnəsinin rekord həddə düşməsinə səbəb olub.
"Hüquqinfo.az" xəbər verir ki, bu barədə ABŞ-nin maliyyə naziri Bessent "X" sosial şəbəkəsində yazıb.
""İqtisadi təcrid" əməliyyatı rialın məzənnəsinin rekord dərəcədə aşağı düşməsinə gətirib çıxarıb. Biz İran hakimiyyətinin terrorizmi maliyyələşdirmək və nüvə silahı hazırlamaq imkanlarını zəiflətməyə davam edəcəyik", - paylaşımda bildirilib.
Qeyd edək ki, İran rialı sərbəst bazarda görünməmiş tarixi minimuma düşüb – məzənnə 1 ABŞ dolları üçün 2,44 milyon rial həddini keçib. Bir sıra ekspertlər məzənnənin daha da ucuzlaşaraq 3 milyona qədər enəcəyini proqnozlaşdırırlar.
