Hüquqinfo.az bildirir ki,
Meksika və Fransa kütləvi vəhşiliklər hallarında BMT Təhlükəsizlik Şurasında veto hüququnun tətbiqinin dayandırılmasının lehinə çıxış ediblər.
"Hüquqinfo.az" xəbər verir ki, bu barədə Meksikanın xarici siyasət idarəsinin Nyu-Yorkda BMT Baş Assambleyasının 81-ci sessiyası çərçivəsində yaydığı birgə bəyanatda deyilir.
"Meksika və Fransa soyqırımı, bəşəriyyətə qarşı cinayətlər və genişmiqyaslı hərbi cinayətlər kimi kütləvi vəhşiliklər hallarında BMT Təhlükəsizlik Şurasında veto hüququnun tətbiqinin dayandırılması istiqamətində səylərin fəallaşmasını alqışlayırlar", - deyə bəyanatda qeyd olunur.
Müvafiq bəyannaməni Paris və Mexiko 2015-ci ildə təqdim ediblər. Bu günədək onu 128 dövlət dəstəkləyib.
Keçirilmiş nazirlər görüşü çərçivəsində Böyük Britaniyanın xarici işlər, Birlik və inkişaf məsələləri üzrə naziri Ed Milibend təşəbbüsə qoşulduqlarını rəsmən elan edib.
