Hüquqinfo.az bildirir ki,
Rusiya ordusu hazırda bir kütləvi hücum zamanı Kiyevə 20-dən 36-ya qədər ballistik raket buraxa bilirlər. Eyni zamanda, Ukraynanın qabaqlayıcı tədbirlər görmək, yəni düşmənin ballistik raketlərin buraxılması üçün yerləşdirdiyi buraxılış qurğularını məhv etmək təcrübəsi də var.
Axar.az xəbər verir ki, bu barədə ukraynalı hərbi eksper Anatoli Xrapçinski bildirib.
Onun sözlərinə görə, Ukrayna Müdafiə Qüvvələri artıq rusların ballistik raketlərlə kütləvi hücumlarının qarşısını almaq təcrübəsinə malikdir. Rus ordusu daha əvvəl Ukrayna sərhədinin yaxınlığında yerləşdirdikləri buraxılış qurğularından hücum planlaşdırarkən, Ukrayna tərəfi bu hücumları poza bilib.
“Əlimizdə olan Qərb silahları arasında buraxılış qurğularının yerləşdirilməsi zamanı onların mövqelərinə operativ zərbələr endirmək üçün istifadə edə biləcəyimiz vasitələr ATACMS raketləri və radiolokasiya əleyhinə raketlər olan HARM-88-lərdir”, - ekspert vurğulayıb.
Ekspert qeyd edib ki, Ukrayna məhz bu raketlərdən istifadə edə bilər. Çünki həmin silahların hədəfə çatma müddəti düşmənin buraxılış qurğularını yerləşdirdiyi əraziyə zərbə endirməyə imkan verir.
O, həmçinin rusların hədəfinin koordinatlarını müəyyənləşdirməyə və həmin obyekti məhv etməyə imkan verən operativ kəşfiyyat məlumatlarının əldə edilməsinin vacibliyini vurğulayıb.
