Hüquqinfo.az bildirir ki,
ABŞ Prezidenti Donald Tramp, administrasiyası haqqında yalan məlumatlar yaydıqları səbəbilə CNN, “MS NOW” telekanallarının və “Politico” qəzetinin jurnalistlərinin Ağ Evə girişinə icazəni ləğv etdiyini açıqlayıb.
“Yalan məlumatlar yayan CNN, “MS NOW” və “Politico”nun Ağ Evə girişinə dərhal son qoyduğumu qürurla bildirirəm. “Politico”ya vicdansız Co Bayden administrasiyası tərəfindən qanunsuz və absurd şəkildə rekord məbləğdə - 8 milyon dollarlıq abunə rəsmiləşdirilmişdi. Bu vəsait birbaşa ABŞ hökumətindən daxil olurdu ki, onu ayaqda saxlasın. Mənə görə, bu, korrupsiyadır”, – Tramp yazıb.
Tramp qeyd edib ki, media ABŞ prezidentini, administrasiyası və ya ABŞ-ın fəaliyyətini işıqlandırarkən davamlı olaraq uydurma məlumatlar və yalanlar yaymaq imkanına malik olmamalıdır.
