Hüquqinfo.az bildirir ki,
Hüquqinfo.az-nın cənub bürosunun xəbərinə görə, hadisə bu səhər şəhər ərazisində qeydə alınıb.
Belə ki, 2023-cü il təvəllüdlü Ə.E. müxtəlif dərəcəli bədən xəsarətləri ilə təcili olaraq Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub.
Valideynləri ilkin məlumatda uşaqlarının digər uşaqlarla oynayarkən, xəsarət aldığını qeyd ediblər.
Daxili İşlər Nazirliyinin Mətbuat Xidmətinin Lənkəran regional qrupundan Hüquqinfo.az-ya bildirilib ki, hazırda qeyd edilən faktla bağlı Lənkəran Şəhər Rayon Polis Şöbəsində təhqiqat araşdırması aparılır.
Müvafiq ekspertiza təyin edilib, araşdırmanın nəticəsindən asılı olaraq hüquqi qiymət veriləcək.
