Hüquqinfo.az bildirir ki,
ABŞ Hərbi Hava Qüvvələri Yaxın Şərqdə yerləşən hava bölmələrinin rotasiyasını davam etdirir, regiondakı Amerika döyüş təyyarələrinin ümumi sayı isə dəyişməz qalır.
"Hüquqinfo.az"un xəbərinə görə, bunu "Itamilradar" portalının və "Military Air Tracking Alliance"ın (MATA) məlumatları göstərir.
25 sentyabrda Yaxın Şərqdən çıxarılan 10 ədəd F-15E qırıcı təyyarəsi Böyük Britaniyadakı Mildenhol aviabazasına çatıb.
Bu arada, Portuqaliyanın Azor adalarında dayanacaqla transatlantik uçuşdan sonra İtaliyadakı Aviano Hava Bazasına doğru yola düşən 12 ədəd F-16 qırıcı təyyarəsi var. Uçuşu yanacaqdolduran təyyarələr təmin edir.
Bu həftənin əvvəlində ABŞ Hərbi Hava Qüvvələri Almaniyadakı Spanqdalem aviabazasında müvəqqəti yerləşdirilən 12 ədəd F-16 qırıcı təyyarəsindən ibarət yeni eskadrilyanı Amerika Mərkəzi Komandanlığının (CENTCOM) Yaxın Şərqdəki məsuliyyət zonasına göndərilib.
