Hüquqinfo.az bildirir ki,
Türkiyə televiziya tarixinin yaddaqalan seriallarından olan “Doktorlar”ın “Ela” və “Levent”i 18 ildən sonra yenidən eyni layihədə bir araya gəlib.
“Hüquqinfo.az” xəbər verir ki, Yasemin Ergene və Kutsi “Tuzlu Kahve” serialında illər sonra qarşılaşaraq tamaşaçılara köhnə hekayəni xatırladıblar.
Yeni bölümün treylerində ikilinin üz-üzə gəldiyi səhnə sosial mediada böyük marağa səbəb olub. Kanalın sosial media hesablarında yayımlanan görüntülər qısa müddətdə müzakirə mövzusuna çevrilib.
İzləyicilər səhnəyə yumorla yanaşaraq “Bu dəfə ədalətsizliyi çamadana yığmaq Leventin növbəsidir” kimi şərhlər yazıblar.
Qeyd edək ki, 2006-2010-cu illərdə yayımlanan “Doktorlar” serialında “Ela” və “Levent” əsas personajlardan olub. İllər sonra iki aktyor “Tuzlu Kahve” serialında yenidən eyni layihədə yer alıb.
Kutsi 22 sentyabrda yayımlanacaq yeni bölümdən etibarən “Tuzlu Kahve”nin aktyor heyətinə qonaq ulduz kimi qoşulub. Yasemin Ergene isə serialda Elit obrazını canlandırır.
Xatırladaq ki, “Doktorlar”ın 66-cı bölümündə “Ela” və “Levent” evlənməyə hazırlaşırdı. Lakin “Levent” “Ela”nın ondan nəyisə gizlətdiyini öyrəndikdən sonra toy mərasimini tərk etmiş və “Ela”nı gəlinlik paltarında tək qoymuşdu.
