Hüquqinfo.az bildirir ki,
Ermənistan Müdafiə Nazirliyi digər ölkələrdə pilotsuz uçuş aparatlarının inkişafını yaxından izləməyə davam edir. Onlar artıq yerli pilotsuz uçuş aparatları istehsalçıları ilə əməkdaşlıq etsələr də, Ermənistan ordusu üçün daha böyük təchizat təmin etmək qərarına gəliblər. Müdafiə Nazirliyinin mütəxəssislərinin fikrincə, ilk növbədə hücum dronlarının sayını (500 km-ə qədər mənzilli) artırmaq lazımdır.
Nəşrin məlumatına görə, Ermənistan MN uyğun tədarük variantlarını tapmaq üçün orta mənzilli PUA-ların ən perspektivli xarici modellərinin müqayisəli təhlilini aparıb:
“ABŞ, Fransa, İran, Ukrayna, İsrail, Hindistan, Çin və Rusiyada istehsal olunmuş dronlar nəzərdən keçirilib. Hərbi mütəxəssislər Hindistanın “Divyastra MK-1” PUA-sını ən uyğun variant hesab ediblər. O, rekord dərəcədə aşağı qiymətə, süni intellektdən istifadə etmək və kütləvi qruplarda istifadə etmək qabiliyyətinə malikdir.
Bu göstəricilər onu digər modellərlə müqayisədə daha üstün bir modelə çevirir. Məsələn, Rusiyanın "Orion" PUA-sı yalnız böyük döyüş yükü, İranın "Miraj-532" PUA-sı buraxılış sürəti, Amerikanın "LUCAS" PUA-sı sinfinə görə həddindən artıq məsafə qət etməsi və Ukraynanın "Palianytsia" PUA-sı daha yüksək uçuş sürəti ilə seçilir. Bundan əlavə, hərbçilərin fikrincə, bu ölkələrlə pilotsuz texnologiyalar sahəsində əməkdaşlıq müəyyən siyasi problemlər yaradır. Əgər Ermənistan Rusiyadan dronlar alsa, Avropadan, ABŞ-dan alsa İrandan, Ukraynadan alsa Rusiyadan və s. narazılıq ediləcək. Beləliklə, Hindistanla əməkdaşlıq daha balanslı və sərfəli bir həlldir”.
Qeyd edək ki, Ermənistanın 500 km mənzilli PUA-larla kütləvi silahlanma istəyi diqqət çəkir. Xəbərdə də göründüyü kimi, Ermənistan MN hücum dronlarına üstünlük verir.
