Hüquqinfo.az bildirir ki,
Rusiyalı məşhur reper Ciqan Moskva vilayətindəki evində uşaqlarının gözü qarşısında xidmətçilərə atəş açıb.
“Ciqan “Sayqa-9” karabini ilə silahlanaraq personalı girov saxlayıb və onları xəyanətdə, məlumat sızdırmaqda, millətçilikdə və digər əməllərdə ittiham edib. Mühafizəçilərdən birini uşaqları zorladığını etiraf etməyə məcbur edən reper daha sonra ona qaçmaq üçün 5 saniyə vaxt verərək atəş açıb. Nəticədə əməkdaş qolundan və ayağından güllə yarası alıb.
Ciqan daha sonra digər əməkdaşlara qarşı da eyni hərəkəti edib. Hadisə təxminən 10 saat davam edib və bu müddət ərzində Ciqanın uşaqları evdə gizlənib. Polis hadisə yerinə gələrək reperi saxlayıb. Lakin məsələ sonradan ört-basdır edilib və Ciqan İsrailə reabilitasiya mərkəzinə göndərilib”.
