Hüquqinfo.az bildirir ki,
“Məhkəmə-Hüquq Şurasının məqsədi hakimlərin müstəqilliyini təmin etmək, onların fəaliyyətinin qanunvericilik çərçivəsində monitorinqini və qiymətləndirilməsini həyata keçirməkdir. Hakimlərin peşəkarlığının artırılması da vacib məsələlərdən biridir. Şura çalışır ki, layiqli hakimlər fəaliyyətlərinin yüksək qiymətləndirilməsi nəticəsində vəzifədə irəli çəkilsinlər, layiqli hakimliyə namizədlər isə hakim vəzifəsinə seçilsinlər”.
Bu barədə Hüquqinfo.az-ya müsahibəsində Ali Məhkəmənin və Məhkəmə-Hüquq Şurasının sədri İnam Kərimov deyib.
Onun sözlərinə görə, son 3 ildə 177 hakim müxtəlif instansiya məhkəmələrində vəzifədə irəli çəkilib:
“Hakimlərin müstəqilliyi və qərəzsizliyi onların hesabatlılığı ilə bağlıdır. Hər bir hakim qanun, ədalət və öz vicdanı qarşısında hesabatlıdır. Əlbəttə ki, bu tələblərə cavab verməyən hakimlər barəsində tədbir görülür. Rəqəmlərə baxsaq, ötən 3 il ərzində 47 hakim barəsində intizam tədbiri görülüb, 8 hakimin səlahiyyətlərinə isə xitam verilib”.
