Hüquqinfo.az bildirir ki,
Sentyabrın 27-si axşam saatlarında Kiyev vilayətinin Buça rayonunun Sofiyevskaya Borşaqovka kəndində yerləşən “Stoliçnı” bazarının ərazisinə zərbə endirilib.
Hüquqinfo.az xəbər verir ki, bu barədə Borşaqovka kənd rəhbərinin səlahiyyətlərini icra edən Aleksandr Medved “Telegram” kanalında məlumat verib.
Onun sözlərinə görə, hava hücumu nəticəsində bazarın ərazisinə zərbə qeydə alınıb. Hadisə yerinə bütün müvafiq xidmətlər cəlb olunub.
Kiyev Vilayət Prokurorluğunun məlumatına görə, hücum zamanı zərbə PUA-sı bazarın ərazisinə düşüb. İlkin məlumatda bir nəfərin öldüyü, 10-a yaxın şəxsin yaralandığı bildirilib.
Kiyev Vilayət Prokurorluğu həmçinin bildirib ki, sentyabrın 27-də daha əvvəl Buça rayonuna PUA hücumu nəticəsində beş avtomobilə ziyan dəyib. Həmin hadisə zamanı bir nəfərin öldüyü, daha üç nəfərin xəsarət aldığı bildirilib.
Ukrayna tərəfi hücumların Rusiya qüvvələri tərəfindən həyata keçirildiyini bildirib.
