Hüquqinfo.az bildirir ki,
2026-cı ildə Orta Dəhlizlə yükdaşımaların həcminin təxminən 5,5 milyon ton təşkil edəcəyi proqnozlaşdırılır.
"Hüquqinfo.az" xəbər verir ki, bunu rəqəmsal inkişaf və nəqliyyat nazirinin müavini Rəhman Hümmətov II Azərbaycan Beynəlxalq İnvestisiya Forumunda (AIIF 2026) deyib.
"Azərbaycanın tranzit yükdaşıma göstəriciləri son illərdə əhəmiyyətli dərəcədə artıb və 2026-cı ildə 16 milyon tonu ötəcəyini proqnozlaşdırırıq ki, bu da 2019-cu ilin göstəricilərini demək olar üç dəfə üstələyir. Təkcə Orta Dəhlizlə yükdaşımaların həcminin 2026-cı ildə təxminən 5,5 milyon ton təşkil edəcəyini gözləyirik. Çindən gələn müntəzəm konteyner qatarlarının sayının isə təxminən 600-ə çatacağı proqnozlaşdırılır", - nazir müavini qeyd edib.
Beynəlxalq təşkilatların qiymətləndirmələrinə görə, Transxəzər Beynəlxalq Nəqliyyat Marşrutu (TBNM) ilə yükdaşımaların həcmi 2030-cu ilə qədər təxminən 11 milyon tona çata, konteyner tranziti göstəriciləri isə 2040-cı ilə qədər təqribən ildə 900 000 TEU-ya qədər arta bilər.
