Hüquqinfo.az bildirir ki,
Gürcüstanın Baş naziri İrakli Kobaxidze ermənistanlı həmkarı Nikol Paşinyanla Cənubi Qafqazda sülh və sabitliyin möhkəmləndirilməsi məsələlərini müzakirə edib.
"Hüquqinfo.az"un Gürcüstan bürosu xəbər verir ki, görüş BMT Baş Assambleyasının 81-ci sessiyası çərçivəsində keçirilib.
Görüşdə tərəflər Gürcüstan və Ermənistanın Cənubi Qafqazda sülh ilə sabitliyə mümkün qədər töhfə verməyə hazır olduqlarını təsdiqləyiblər.
Gürcüstan hökumətinin başçısı iki ölkə arasında strateji tərəfdaşlığın daha da dərinləşdirilməsinə hazır olduğunu bildirib.
Tərəflər Gürcüstan və Ermənistan arasında müxtəlif sahələrdə uğurlu əməkdaşlığı və yüksək səviyyəli siyasi dialoqu qeyd ediblər. Ticarət-iqtisadi, nəqliyyat, mədəni və xalqlararası əlaqələr üzrə əməkdaşlığın konkret nəticələr verdiyi vurğulanıb.
