NBC News: Marko Rubio apreldə Pakistan görüşlərində İranla razılaşmanın qarşısını alıb

Hüquqinfo.az bildirir ki,

ABŞ dövlət katibi Marko Rubio apreldə Pakistanda İran nümayəndə heyəti ilə keçirilən danışıqlar zamanı razılaşmanın əldə olunmasının qarşısını alıb.

Məlumata görə, apreldə ABŞ vitse-prezidenti Cey Di Vens birbaşa danışıqlar aparmaq üçün Pakistana səfər edib. Görüşün danışıqlarda irəliləyişin əldə olunmasına yaxınlığın göstəricisi olduğu bildirilib.

Lakin bir neçə saat davam edən görüş zamanı ABŞ nümayəndə heyətində İran tərəfinin razılaşmanın ilkin şərtlərini dəyişməyə çalışdığı ilə bağlı şübhələr yaranıb.

Görüşdə fasilə zamanı amerikalı danışıqlar aparan şəxslər əlavə göstəriş almaq üçün Marko Rubio ilə əlaqə saxlayıblar. Mənbənin sözlərinə görə, Rubio razılaşmanın olmayacağını bildirib.

NBC News qeyd edib ki, Rubio İran məsələsində “gizli əl” olaraq qalır və bu istiqamətdəki fəaliyyətində kölgədə qalmağa üstünlük verir.