Tacikistanlı nazir: "Ticarət prosedurlarının sadələşdirilməsində maraqlıyıq"

Hüquqinfo.az bildirir ki,

Tacikistan nəqliyyat-logistika infrastrukturunun fəal şəkildə təkmilləşdirilməsi və qonşu dövlətlər, eləcə də strateji əhəmiyyətli makroregionlarla ticari-iqtisadi qarşılıqlı əlaqələrin artırılması vəzifəsini qarşısına qoyur.

"Hüquqinfo.az" xəbər verir ki, bunu Tacikistanın iqtisadi inkişaf və ticarət naziri Abdurahmon Abdurahmonzoda Bakıda keçirilən II Azərbaycan Beynəlxalq İnvestisiya Forumunda (2nd Azerbaijan International Investment Forum – AIIF 2026) bildirib.

"Dəniz yollarına çıxışı olmayan bir dövlət kimi Tacikistan üçün nəqliyyat və ticarət əlaqəliliyinin inkişafı məsələsi həlledici xarakter daşıyır. Biz regional nəqliyyat dəhlizlərinin gələcək təşviqi və genişləndirilməsində, ticarət prosedurlarının sadələşdirilməsində, Mərkəzi Asiya, Çin, Cənubi Asiya, MDB dövlətləri və digər regionların bazarları ilə əlaqələrin dərinləşdirilməsində maraqlıyıq", - nazir qeyd edib.

A.Abdurahmonzoda vurğulayıb ki, qlobal iqtisadi qeyri-sabitlik fonunda ölkə xarici iqtisadi əlaqələrin planlı şəkildə şaxələndirilməsinə dair kursa sadiqdir: "Yalnız bir tərəfdaşa və yaxud bir inkişaf istiqamətinə yönəlməklə milli iqtisadiyyatın dayanıqlığını təmin etmək qeyri-mümkündür".