Hüquqinfo.az bildirir ki,
Ukrayna Prezidenti Volodimir Zelenski amerikalı həmkarı Donald Tramp və komandası ilə görüşündə Rusiyaya qarşı sanksiyaların sərtləşdirilməsi və tarif siyasətindən təzyiq vasitəsi kimi istifadə edilməsi məsələlərini müzakirə etdiyini bildirib.
"Hüquqinfo.az"un Şərqi Avropa bürosunun məlumatına görə, Zelenski bunu jurnalistlər ilə onlayn təması zamanı bildirib.
Prezidentin sözlərinə görə, o, ABŞ tərəfinə Rusiya lideri Vladimir Putinin müharibəni bitirməyə tələsmədiyini və bunun üçün qarşılıqlı siqnallar vermədiyini vurğulayıb:
"ABŞ tərəfi Ukrayna, ABŞ və Rusiya arasında Birləşmiş Ərəb Əmirliklərində üçtərəfli formatda ilkin danışıqların keçirilməsini təklif edib. Üçtərəfli görüşlə bağlı Amerika tərəfi onu hazırlamağı və texniki səviyyədə üçtərəfli formatda görüş keçirməyi təklif edib. Biz ABŞ-ın təklifinin ardını gözləyirik".
