Hüquqinfo.az bildirir ki,
Yəmənin “Ənsar Allah” hərəkatı (husilər) Səudiyyə Ərəbistanında Kral Xalid hava limanını hədəfə alıb.
Hüquqinfo.az “Geo News”-a istinadən xəbər verir ki, Kral Xalid hava limanı yaxınlığında yanğın baş verib.
Yanğınsöndürənlər Ər-Riyaddakı Kral Xalid Beynəlxalq Hava Limanı yaxınlığında yerləşən yanacaq çənində baş vermiş yanğını söndürüblər. Sosial şəbəkələrdə yayılan görüntülərdə hava limanı üzərində qara tüstü sütunu müşahidə olunub.
Qeyd edək ki, Yəməndəki husilərə qarşı mübarizə aparan Səudiyyə Ərəbistanının rəhbərlik etdiyi koalisiyanın sözçüsü Türki əl-Maliki “X” sosial şəbəkəsində paylaşımında şənbə günü səhər saatlarında husilərin Ər-Riyad şəhərinə doğru buraxdığı ballistik raketin məhv edildiyini bildirib.
Yəmənin “Ənsar Allah” hərəkatı (husilər) Səudiyyə Ərəbistanındakı obyektlərə ballistik və qanadlı raketlər, həmçinin pilotsuz uçuş aparatları ilə zərbələr endirdiyini iddia edib.
Onun sözlərinə görə, husilər çoxsaylı ballistik və qanadlı raketlərdən, eləcə də PUA-lardan istifadə etməklə iki əməliyyat həyata keçiriblər.
“Birinci əməliyyatda Səudiyyə Ərəbistanının paytaxtı Ər-Riyaddakı xüsusi əhəmiyyətli obyektlər, ikinci əməliyyatda isə Yanbudakı “Saudi Aramco” şirkətinin obyektləri hədəfə alınıb”, – Yəhya Səriya bildirib.
Husilərin nümayəndəsi hər iki hücum nəticəsində genişmiqyaslı yanğınların baş verdiyini iddia edib. Səudiyyə Ərəbistanı tərəfinin hücumların nəticələri ilə bağlı açıqlaması barədə məlumat verilməyib.
Yəhya Səritanın sözlərinə görə, hücumlar Səudiyyə Ərəbistanının Yəmənə endirdiyi zərbələrə cavab olaraq həyata keçirilib. O iddia edib ki, Səudiyyə Ərəbistanı Hərbi Hava Qüvvələri F-15 və “Typhoon” qırıcılarından istifadə etməklə ümumilikdə 732 aviazərbə endirib.
Bizi Sosial Şəbəkələrdə İzləyin
Ən son xəbərlərdən anında xəbərdar olun.
