Hüquqinfo.az bildirir ki,
Son zamanlar "Forever Living Products" kimi şəbəkə marketinq təşkilatlarının və onların təmsilçilərinin apardığı aqressiv, qeyri-etik və yalançı təbliğat artıq cəmiyyətdə həddi aşmışdır. İnsanların çarəsizliyindən, xəstəliyindən və çətin maddi vəziyyətindən suistifadə edərək onlara "sehrli məlhəm" sırıyan bu sistem açıq-aşkar psixoloji və maliyyə istismarı ilə məşğuldur.
1. "Müalicə Edir" İddiası Açıq BÖHTAN və YALANDIR
Bu şirkətin satdığı kosmetik vasitələr və qida əlavələri HEÇ BİR ağır, xroniki və ya psixi xəstəliyi müalicə etmir və edə bilməz! Bütün dünyada, eləcə də ABŞ-ın Qida və Dərman Administrasiyası (FDA) tərəfindən bu məhsullara dərman vasitəsi kimi heç bir sertifikat verilməyib. Əgər bir vasitə xəstəlik sağaldırsa, niyə Səhiyyə Nazirliyi tərəfindən dərman kimi qeydiyyata alınmır? Çünki ortada heç bir elmi və klinik sübut YOXDUR!
2. Çarəsiz İnsanların Ümidləri İlə OYNAMAQ
Psixoloji gərginlik yaşayan, müalicə tapmaqda çətinlik çəkən soydaşlarımıza "bu məhsul bütün psixi xəstəlikləri, daxili xəstəlikləri kökündən kəsir" kimi cəfəngiyyatlar danışmaq vicdansızlıqdır. Donda-dona girərək, özlərini həkim, xilaskar, biznes mütəxəssisi kimi qələmə verən bu şəxslərin tək bir məqsədi var: çirkin maliyyə maraqlarını təmin etmək və cibinizi soymaq.
3. "Həm Sağlamlıq, Həm Biznes" Nağılı
Adi adi bitki tərkibli nəmləndiriciləri və ya vitaminləri "möcüzəvi vasitə" adı altında fantastik və baha qiymətlərə insanlara sırıyırlar. Dəyərindən dəfələrlə baha satılan bu məhsulların arxasında "sən də al, başqasına sat, varlanacaqsan" toru dayanır. Bu, nə sağlamlıqdır, nə də dürüst biznes — bu, sadəcə insanları borca və psixoloji gərginliyə salan bir piramida tələsidir.
SƏSİNİZİ ÇIXARIN VƏ ALDANMAYIN!
Heç bir tibbi savadı olmayan, şəbəkə satışı ilə məşğul olan şəxslərin həkimlik eləməsinə izin verməyin!
Səhiyyə strukturları tərəfindən sertifikatlaşdırılmamış, dərman analoqu olmayan vasitələrə sağlamlığınızı və pulunuzu etibar etməyin!
Xəstəliklərin həlli "şəbəkə satıcılarının" əlindəki flakonlarda değil, peşəkar həkimlərin və elmi təbabətin elmindədir.
Cəmiyyəti bu cür aldadıcı şəbəkələrin torundan qorumaq hər birimizin vətəndaşlıq borcudur!
