BMT rəsmisi: Yenilənən Mərkəzi Laboratoriya Azərbaycan iqtisadiyyatının inkişafına fayda verir

Hüquqinfo.az bildirir ki,

BMT-nin Ərzaq və Kənd Təsərrüfatı Təşkilatının (FAO) Baş direktorunun köməkçisi, Avropa və Mərkəzi Asiya üzrə regional nümayəndəsi Viorel Gutu Azərbaycanda yenilənən Mərkəzi Laboratoriya ilə tanışlıqdan böyük məmnuniyyət duyduğunu bildirib.

"Hüquqinfo.az" xəbər verir ki, o, FAO-Azərbaycan tərəfdaşlıq Proqramı çərçivəsində yenilənən Mərkəzi Laboratoriyasının fəaliyyəti ilə tanış olarkən belə deyib.

V.Gutu jurnalistlərə açıqlamasında bildirib ki, bu həm hökumət, həm də kənd təsərrüfatı sektoru və fermerlər üçün olduqca önəmli bir müəssisədir:

"Bu laboratoriyada aparılan analizlərin çeşidi məni heyran etdi və tanış olduğum üçün çox məmnun oldum. Bunlar, şübhəsiz ki, Azərbaycanın iqtisadiyyatının inkişafına fayda verir. Xüsusilə belə laboratoriyaların səmərəli kənd təsərrüfatı sektorunun inkişafı, yüksək məhsuldarlığın və gəlirliliyin təmin olunması, eləcə də bu və ya digər sahəyə məsuliyyətli investisiyaların yatırılması baxımından əhəmiyyətini vurğulamaq istərdim. Bütün bunlar sonda fermer və bütövlükdə icma üçün nəticə verir".