Hüquqinfo.az bildirir ki,
Azərbaycandakı sənaye zonaları təchizatçıların, alıcıların və istehsalçıların bir araya gəldiyi ekosistemlərə çevrilir.
"Hüquqinfo.az" xəbər verir ki, bunu Avropa Yenidənqurma və İnkişaf Bankının (EBRD) Azərbaycan üzrə ölkə meneceri Nataly Mouravidze Bakıda keçirilən II Azərbaycan Beynəlxalq İnvestisiya Forumu (2nd Azerbaijan International Investment Forum – AIIF 2026) çərçivəsində panel müzakirədə bildirib.
O qeyd edib ki, EBRD-nin bir çox ölkədə həyata keçirdiyi layihələrə əsasən qeyd edilən komponentlər uğurun mühüm elementidir: "EBRD investor kimi müxtəlif şirkətlər və müxtəlif ölkələrlə işləyərək bütün bu təcrübəni toplayır. Nəticə etibarilə, qeyd etməyin son dərəcə vacib olduğu məsələlər ondan ibarətdir ki, ekosistemler azad sənaye zonalarının yeni istiqamətinə çevrilib. Keçmişdə investorlar zavod tikmək üçün gəlirdilər, lakin indi onlar tamamilə fərqli suallar verirlər. Bu regiondan genişlənə bilərəmmi? Müxtəlif bazarları əhatə edə bilərəmmi? Hansı ekosistem mövcuddur?"
