Fərid Şəfiyev: Qafqaz Albaniyasının siyasiləşdirilməsinə imkan verilməməlidir

Hüquqinfo.az bildirir ki,

Qafqaz Albaniyası tarixi bir məsələdir, bunun siyasiləşdirilməsinə imkan verilməməlidir.

"Hüquqinfo.az" xəbər verir ki, bunu Beynəlxalq Münasibətlərin Təhlili və Multikulturalizm Mərkəzinin (BMTMM) İdarə Heyətinin sədri Fərid Şəfiyev jurnalistlərə açıqlamasında deyib.

Onun sözlərinə görə, diplomatların Qarabağa sonuncu səfəri Ermənistan tərəfdən həm diaspor, həm bəzi hökumət nümayəndələri, həm də ölkə ictimaiyyəti arasında bir sıra mənfi şərhlərə səbəb olub:

"Müzakirənin səbəbi Qafqaz Albaniyasının tarixi deyil, o tarix bizə bəllidir. Qafqaz Albaniyası Azərbaycan dövlətçiliyinin, milliyətçiliyində böyük bir rol oynayır. Erməni millətçiləri Qafqaz Albaniyası ilə maraqlanırlar. Qeyd etmək lazımdır ki, Ermənistan Azərbaycana qarşı ərazi iddiası sürərkən "böyük Ermənistan" konsepsiyası çıxış edir və bu konsepsiya Azərbaycan əraziləri, o cümlədən Qarabağ ərazisi, keçmişdən olanQafqaz Albaniyasının ərazilərini ehtiva edir. Qafqaz Albaniyası ermənilər üçün çox vacib bir elementdir, bunu erməniləşdirmək istəyirlər".

O qeyd edib ki, Azərbaycan ərazisində katolik, pravoslav, erməni kilsələri, o cümlədə tarixinə aid olan alban kilsələri var:

"O bizim tariximizdir, biz də onu qoruyub saxlayırıq. Alban kilsələrə ermənilərin maraqları məhz bu böyük Ermənistan və Azərbaycanın irəli sürülən ərazi iddialarından irəli gəlir.

Münaqişə bitib, sülh gündəliyi formalaşdırılıb. Bunun indi gündəmə gəlməyi gösətirir ki, erməni cəmiyyəti tam sülhə hazır deyil. Erməni hökuməti burada müəyyən addımlar atır. Erməni cəmiyyətində hələ də o radikal düşüncələr var".

"Ermənistanın cəmiyyətində də, diasporada, bir sıra xarici ölkələrdə də onları rolu var. Qafqaz Albaniyası tarixi bir məsələdir. Bunun siyasətləşdirilməsinə imkan verməməliyik. Hətta burada Avropanın müxtəlif orada siyasətçilərini bu işə cəlb edib, biz buna tutarlı cavab verməliyik".