Hüquqinfo.az bildirir ki,
Azərbaycan Respublikasının İran İslam Respublikasındakı səfirliyi hazırda İranda olan Azərbaycan vətəndaşlarına müraciət ünvanlayıb.
“Azərbaycan Respublikası ilə İran İslam Respublikası arasında planlaşdırılan sərnişin aviareyslərinin ləğvi ilə əlaqədar hazırda İranda olan Azərbaycan vətəndaşlarının diqqətinə!
Azərbaycana qayıtmaq üçün aviabilet əldə etmiş, lakin reyslərin ləğvi səbəbindən ölkəyə qayıda bilməyən Azərbaycan vətəndaşlarından Azərbaycan Respublikasının İran İslam Respublikasındakı səfirliyinə və ya Təbriz şəhərindəki Baş Konsulluğuna müraciət edərək Azərbaycan-İran arasında fəaliyyət göstərən quru sərhəd-keçid məntəqələri vasitəsilə ölkəyə qayıtmaları ilə bağlı yardım almaları xahiş olunur.
İran aviaşirkətlərindən Azərbaycana bilet almış Azərbaycan vətəndaşlarına biletin pulunu geri almaq üçün həmin aviaşirkətlərin satış ofislərinə müraciət etmələri tövsiyə olunur.
Azərbaycan Respublikasının İran İslam Respublikasındakı səfirliyinin qaynar xətləri: +989018845531 +989055230107 +982122596303
Azərbaycan Respublikasının Təbriz şəhərindəki Baş Konsulluğunun qaynar xətləri: +989144721410 +984133334802”
