Hüquqinfo.az bildirir ki,
İran Prezidenti Məsud Pezeşkian ABŞ Prezidenti Donald Trampla mümkün görüşün keçirilməsi üçün Vaşinqtonun İranda hakimiyyəti güc yolu ilə dəyişdirmək niyyətində olmadığını nümayiş etdirməli olduğunu bildirib.
“İlk növbədə bu müharibənin yaratdığı etimadsızlığı aradan qaldırmaq lazımdır. Biz imzaladığımız razılaşmalara uyğun hərəkət etməliyik. ABŞ nə hökumətimizi, nə də administrasiyamızı devirmək niyyətində olmadığını nümayiş etdirməlidir”, – İran Prezidenti Trampla görüş ehtimalı barədə suala cavabında bildirib.
Pezeşkian mövcud etimadsızlığın asanlıqla aradan qaldırıla bilməyəcəyini vurğulayıb.
“Özünüzü bizim yerimizə qoyun. Təsəvvür edin ki, kimsə gəlib sizin ali liderinizi öldürüb. Daha sonra əldə olunmuş razılaşmalara əməl etməyib. Sizin reaksiyanız necə olardı? Bu, elə də asan həll edilə biləcək məsələ deyil”, – o deyib.
Tramp daha əvvəl Nyu-Yorkda BMT Baş Assambleyasının 81-ci sessiyası çərçivəsində Pezeşkianla təmasların mümkünlüyünü istisna etməmişdi, lakin belə bir görüşün keçirilməsi barədə məlumat verilməyib.
