Əfv edilənlər kimlərdir?

Hüquqinfo.az bildirir ki,

Xəbər verdiyimiz kimi, Prezident İlham Əliyevin bu gün imzaladığı Sərəncamla 20 nəfər əfv edilib.

“Hüquqinfo.az” xəbər verir ki, cinayət törətdiklərinə görə məhkum edildikləri cəzanın qalan hissəsindən azad edilən şəxslərdən 15-i Azərbaycan, 5-i isə xarici ölkə vətəndaşıdır.

Əfv sərəncamı əsasən böyük ictimai təhlükə törətməyən, az ağır və ehtiyatsızlıqdan ağır cinayətlər törətmiş, habelə cəza müddətinin sonuna az qalmış bir sıra məhkumlara şamil edilib.

Belə ki, 14 nəfər cəzasının sonuna 2 aydan 1 il 6 ayadək müddət qalmış, zərərçəkmiş şəxslərlə barışmış və əsasən müsbət xarakterizə olunanlardır. Əfv olunan məhkumlardan 2-inin Vətən müharibəsinin iştirakçısı olması da diqqət çəkir.

1999-cu ildə anadan olmuş Aydəmirov Cəsarət Səfərqulu oğlu, 9 il müddətinə məhkum edilmişdi;

1992-ci il təvəllüdlü Bağırov Elşən Malik oğlu 3 il 6 ay müddətinə azadlıqdan məhrum edilmişdi, cəzanın bitməsinə 5 ay qalmışdı;

1970-ci il təvəllüdlü Balabəyov Fikrət Əlibəy oğlu xəsarət yetirməyə görə 3 il müddətinə azadlıqdan məhrum edilmişdi. Cəzasının bitməsinə 7 ay qalmışdı;

1985-ci il təvəllüdlü Bayramov Hikmət Abduləli oğlu xəsarət yetirməkdə ittiham olunaraq 4 illik azadlıqdan məhrum edilmidi, cəzasının bitməsinə 1 il 4 ay qalırdı;

2003-cü il təvəllüdlü Beybudlu Xəyal Nemət oğlu xəsarət yetirməkdə ittiham olunaraq 4 illik azadlıqdan məhrum edilmişdi, cəzasının bitməsinə 1 il 1 ay qalmışdı;

2000-ci il təvəllüdlü Əliyev Maarif Eldar oğlu 10 il müddətinə azadlıqdan məhrum edilmişdi, cəzasının bitməsinə 2 ay qalmışdı;

2004-cü il təvəllüdlü Kərimov Sahil Aqil oğlu ağır xəsarət yetirmək ittihamı ilə 5 il 5 ay müddətinə məhkum edilmişdi, cəzası 1 ildən sonra bitirdi;

1980-ci il təvəllüdlü Qasımov Rəfail Güloğlan oğlu adam öldürdüyünə görə 12 il 6 ay cəza alıb, cəzanın bitməsinə 1 il 6 ay qalırdı;

2000-ci ildə anadan olmuş Muradov Qurban Sultan oğlu xəsarət yetirməyə görə 2024-cü ildə 3 il müddətinə məhkum edilib, cəzanın bitməsinə 11 ay qalırdı;

1993-cü il təvəllüdlü Musayev Cəlal İlham oğlu avtomobiilə piyadanı vurduğu üçün 2023-cü ildə 4 il 5 ay müddətinə məhrum edilib, cəzasının bitməsinə 11 ay qalırdı.

1969-cu il təvəllüdlü Rəhimov İqbal Əliabas oğlu 3 il müddətə azadlıqdan məhrum edilmişdi, sərbəst buraxılmasına 2 il 2 ay qalırdı;

1966-cı il təvəllüdlü Rüstəmov Elman Yaşılxan oğlu 7 il müddətinə azadlıqdan məhrum edilmişdi, cəzasının bitməsinə 4 ay qalırdı;

2003-cü ildə anadan olmuş Süleymanov Sürət Nemət oğlu 2 il 11 ay müddətinə azadlıqdan məhrum edilmişdi, cəzasının bitməsinə 5 ay qalırdı;

1997-ci il təvəllüdlü Süleymanzadə İlqar Vüqar oğlu 5 il 6 ay həbs almışdı, 1 il sonra azadlığa çıxacaqdı;

1995-ci ildə anadan olmuş Dadaşov Əziz İman oğlu 2 il 5 ay görə məhkum edilmişdi, cəzanın bitməsinə 2 il qalırdı.

İki nəfər Türkiyə vətəndaşı, 36 yaşlı Demir Mehmet və 45 yaşlı Özdemir Salih İrandan Azərbaycan əraisindən tranzit keçməklə Türkiyəyə gedərkən üzələrində narkotik maddə aşkar edilmişdi;

46 yaşlı Kiril Mixaylov Rusiya və İsrail vətəndaşıdır. Narkotik maddəlırlə bağlı cinayətə görə 3 il 1 ay müddətinə azadlıqdan məhrum olunmuşdu;

1995-ci il təvəllüdlü Pakistan vətəndaşı Sabir Sonia öz həmvətəninə qarşı quldurluq əməlinə görə 8 il müddətinə azadlıqdan məhrum edilmişdi.

Fransa vətəndaşı Ryan Martin Riçards Fransanın ölkəmizdə fəaliyyət göstərən xüsusi xidmət orqalarının nümayəndələri tərəfindən əməkdaşlığa cəlb edilərək casusluq etdiyi üçün ildə 10 il müddətinə azadlıqdan məhrum edilmişdi.