Hüquqinfo.az bildirir ki,
"Kredit Evi" ASC-nin səhmdarlarının sentyabrın 15-də, saat 11:00-da keçirilməsi planlaşdırılan növbəti ümumi yığıncağının vaxtı oktyabrın 23-nə dəyişdirilib.
"Hüquqinfo.az" bu barədə Azərbaycan Mərkəzi Bankının Məlumatların Elektron Açıqlanması Sisteminə istinadən xəbər verir.
Məlumata görə, yığıncaq şirkətin baş ofisinin yerləşdiyi Bakı şəhəri, Nərimanov rayonu, Həsən Əliyev küçəsi, 90A ünvanında olacaq.
Yığıncağın gündəliyinə mühüm əhəmiyyətli əqdin imzalanması və digər məsələlər daxildir.
Xatırladaq ki, "Kredit Evi" 2017-ci ildə yaradılıb. Onun səhmdarları hər biri 50 % payla Dürrə Hüseynova və Səbuhi Əzizovdur. Sonuncu həm də "Merkuri" QSC bank olmayan kredit təşkilatının (BOKT) səhmlərinin 50 %-nə nəzarət edir.
