Hüquqinfo.az bildirir ki,
Bu il enerji qiymətlərinin rekord həddə çatmasına, proqnozların hələ də çox yüksək olmasına baxmayaraq gələn il Azərbaycan Dövlət Neft Fondundan (ARDNF) dövlət büdcəsinə transfertin məbləği bu illə müqayisədə az olacaq.
"Hüquqinfo.az" xəbər verir ki, bunu iqtisadiyyat naziri Mikayıl Cabbarov Bakıda keçirilən II Azərbaycan Beynəlxalq İnvestisiya Forumu (2nd Azerbaijan International Investment Forum – AIIF 2026) çərçivəsində keçirilən panel müzakirədə çıxışı zamanı bildirib.
M.Cabbarovun sözlərinə görə, dayanıqlı inkişafı şərtləndirən ikinci vacib faktor maliyyə buferlərinin mövcudluğudur: "Azərbaycan təkcə 2026-cı ildə deyil, 2022-ci ildə də təsirə məruz qaldı, çünki biz bu regionda yaşayırıq və bir-birimizlə qarşılıqlı əlaqədəyik. Lakin buferlər bizə inkişaf kursunu qoruyub saxlamağa imkan verdi"
Prioritet sahələrə diqqətin yönəldilməsini qeyd edən nazir, rəqəmsallaşma və sənayeləşmənin əsas hədəflər sırasında olduğunu bildirib: "Rəqəmsal keçidlə bağlı milli strategiyanın qəbulu, Birinci vitse-prezidentin sədrliyi ilə Rəqəmsal İnkişaf Şurasının yaradılması - bütün bu addımlar ona görədir ki, biz bunun həm ümumi iqtisadi məhsuldarlığa, həm də hər bir fərdin məhsuldarlığına gətirib çıxardığına inanırıq"
Bizi Sosial Şəbəkələrdə İzləyin
Ən son xəbərlərdən anında xəbərdar olun.
