Hüquqinfo.az bildirir ki,
Azərbaycan Dövlət Neft Şirkətinin (SOCAR) Türkiyədəki yatırımı "Petkim Petrokimya Holding" şirkətinin neft-kimya sahəsindəki uzunmüddətli investisiya planı olan Master Plan layihəsində əsas mühəndis layihələndirmə (FEED) işləri rəsmən başlayıb.
"Hüquqinfo.az" şirkətə istinadən xəbər verir ki, bu çərçivədə güclü tövsiyələri ilə seçilən mühəndislik şirkətləri ilə FEED lisenziya və mühəndislik müqavilələri imzalanıb. Master Plan layihəsi ilə etilen və polipropilen güclərinin artırılması, ümumi polimer istehsalının isə mövcud səviyyəsinin iki qatından yuxarıya çıxarılması hədəflənir.
Məlumata görə, 70 milyon ABŞ dolları vəsait ayrılan FEED işlərinin 2027-ci ilin sonuna qədər tamamlanması planlaşdırılır.
"Petkim" tərəfindən həyata keçirilən Master Planda, SOCAR ilə "Technip Energies" şirkəti arasında iyul ayında imzalanan Niyyət Anlaşmasının ardından, "Petkim" ilə "Technip Energies" arasında FEED (Üç Mühəndislik Dizaynı) və MFSC (Mixed Feed Steam Cracker - Qarışıq Xammal Buxar Krekinq Qurğusu) texnologiyası çərçivəsində lisenziya müqaviləsi imzalanıb.
Pre-FEED işlərini izləyən FEED prosesində layihənin əhatə dairəsi ilə texniki, kommersiya və iqtisadi parametrləri ətraflı şəkildə qiymətləndiriləcək.
Məlumatda qeyd edilib ki, Master Plan FEED işlərinə dair "Technip Energies" ilə FEED müqaviləsi imzalanıb. Həmçinin Master Plan layihəsi çərçivəsində dəyərləndirilməkdə olan polietilen qurğusu üçün "Univation Technologies, LLC" ilə lisenziya müqaviləsi, polipropilen qurğusu üçün "Lummus Novolen Technology GmbH" ilə lisenziya və mühəndislik müqaviləsi, MFSC texnologiyası üçün isə "Technip Energies" ilə lisenziya müqaviləsi imzalanıb. Beləliklə, Master Planın müxtəlif istehsal qurğuları və texnologiyalarına yönəlik müqavilə proseslərində mühüm bir mərhələ tamamlanıb.
FEED işlərinin tamamlanmasının ardından yekun investisiya qərarı qəbul edildiyi halda, "Petkim"in illik 588 min ton olan etilen tutumunun 1,2 milyon tona, illik 145 min ton olan polipropilen tutumunun isə 550 min tona çatdırılması hədəflənir.
Master Plan çərçivəsində nəzərdən keçirilən yeni qurğular və tutum artımları ilə birlikdə "Petkim"in ümumi polimer istehsalının da mövcud səviyyəsinin iki qatından yuxarı çatdırılması nəzərdə tutulur.
"SOCAR Turkiye"nin neft emalı və neft-kimya bölməsinin rəhbəri Kənan Mirzəyev bildirib ki, Master Plan layihəsi çərçivəsində iyul ayında "Technip Energies" ilə imzalanan Niyyət Sazişinin ardından FEED müqaviləsinin imzalanması, layihənin planlanan istiqamətdə irəlilədiyi göstərən konkret və mühüm bir addımdır: "FEED mərhələsində layihənin texniki və kommersiya parametrlərini daha ətraflı şəkildə qiymətləndirəcək, yekun investisiya qərarına əsas təşkil edəcək mühəndislik işlərini həyata keçirəcəyik. Bununla yanaşı polietilen, polipropilen və MFSC texnologiyalarına yönəlik lisenziya və mühəndislik müqavilələrinin imzalanması da layihənin müxtəlif komponentlərində mühüm irəliləyiş əldə etdiyimizi göstərir. FEED prosesinə cəmi 70 milyon dollar vəsait ayırdıq. Bunu "Petkim"in gələcəyinə etdiyimiz bir investisiya olaraq görürük".
O qeyd edib ki, Master Plan çərçivəsində nəzərdən keçirilən investisiyaların, FEED işlərinin tamamlanmasının ardından mümkün yekun investisiya qərarının qəbul edilməsi ilə etilen və polipropilen istehsal güclərini əhəmiyyətli dərəcədə artırmağı, ümumi polimer istehsalını isə mövcud səviyyəsinin iki qatından yuxarı çatdırılması hədəflənib: "Layihəni Türkiyənin neft-kimya sektorundakı uzunmüddətli ehtiyaclarına cavab verəcək, şirkətin rəqabət qabiliyyətini və dayanıqlığını dəstəkləyəcək strateji bir transformasiya layihəsi olaraq qiymətləndiririk. Bu mərhələdə atılan addımlar "Petkim"in gələcəyinə və Türkiyənin petrokimya ekosisteminin inkişafına töhfə verəcək".
K. Mirzəyev deyib ki, Master Plan layihəsi ilə şirkətin mövcud istehsal infrastrukturunun uzunmüddətli davamlılığının dəstəklənməsi, istehsal gücünün və texnoloji infrastrukturunun inkişaf etdirilməsi və emal-neft-kimya inteqrasiyasının daha da gücləndirilməsi hədəflənir: "Master Plan layihəsi çərçivəsindəki yekun investisiya qərarına yönəlik qiymətləndirmələr isə FEED işlərinin tamamlanmasının ardından həyata keçiriləcək".
Qeyd edək ki, əsası 1965-ci il aprelin 3-də qoyulmuş "Petkim Petrokimya Holding" Türkiyənin aparıcı neft-kimya kompleksidir. Kompleksdə plastik kütlə, tekstil məmulatları, eləcə də digər istehlak və sənaye mallarının istehsalında istifadə olunan etilen, polietilen, polivinilxlorid, polipropilen və digər neft-kimya məhsulları istehsal edilir. İndiyənədək Türkiyənin ilk və yeganə inteqrasiya olunmuş neft-kimya obyekti olan "Petkim"in təkmilləşdirilməsi üzrə işlərə 1,6 milyard ABŞ dolları həcmində investisiya qoyulub.
"SOCAR Turkey" şirkəti "Petkim Petrokimya Holding"in nəzarət səhm paketinin sahibidir. "Petkim"in səhmləri İstanbul Fond Birjasında qiymətləndirilir.
