Hüquqinfo.az bildirir ki,
ABŞ və Çin arasında ticarət və süni intellekt məsələləri üzrə son dərəcə uğurlu danışıqlar keçirilib.
“Biz indicə çinlilərlə ticarət və Sİ məsələləri üzrə çox uğurlu danışıqlar apardıq. Pekində dayandığımız yerdən davam etdik. Orada Ticarət Şurasını yaratmış və Sİ-ni müzakirə etməyə başlamışdıq. Bu axşam isə bu mövzular praktiki müstəviyə keçdi”, - Bessent jurnalistlərə bildirib.
Bessentin sözlərinə görə, tərəflər Sİ sahəsində əməkdaşlıq mexanizminin yaradılmasını müzakirə ediblər. Onun sözlərinə görə, bu mexanizm “ABŞ-Çin Sİ dialoqu” adlandırılacaq.
“ABŞ iki ölkə arasında məlumatlandırma mexanizminin yaradılmasını təklif edib. Biz həmçinin məqsədlər və təhdidlərə dair ümumi baxış formalaşdırmaq istəyirik”, - nazir deyib.
Bessent onu da bildirib ki, məlumatlandırma mexanizmi Sİ ilə bağlı milli təhlükəsizlik səviyyəsində mümkün insidentlər və təhdidlər barədə qarşılıqlı məlumat mübadiləsini nəzərdə tutur.
