Afrika gözləniləndən daha sürətlə parçalanır

Hüquqinfo.az bildirir ki,

Geoloqlar Afrika qitəsinin əvvəlki proqnozlardan daha tez iki hissəyə bölünəcəyini və nəticədə yeni okeanın yaranacağını bildiriblər. Aktiv qırılma xəttinin kritik həddə çatdığı və geoloji zaman şkalasına görə qitənin yaxın gələcəkdə ayrılacağı qeyd olunur.

“Hüquqinfo.az” xəbər verir ki, Kolumbiya Universitetinin geoloqu Kristian Rouan bölgədəki qırılma prosesinin gözləniləndən daha irəli getdiyini və yer qabığının əvvəlki hesablamalardan daha çox nazikləşdiyini bildirib.

Şərqi Afrika Qırılma Sistemi daxilində şərq sahili boyunca uzanan nəhəng Nubiya və Somali tektonik lövhələri bir-birindən ayrılır.

Keniya və Efiopiya ərazisindən keçən Turkana Qırılma Bölgəsini araşdıran alimlər qırılmanın mərkəzində yer qabığının qalınlığının cəmi 13 kilometrə qədər azaldığını müəyyən ediblər.

Yer qabığının qalınlığının 15 kilometrdən aşağı düşməsi qitənin “mülayim” mərhələyə daxil olduğunu və qitələrin ayrılmasının qaçılmaz olduğunu göstərir.

Bu prosesin bir neçə milyon il ərzində tamamlanacağı və qitənin ayrılmasından sonra Hind okeanından gələn suyun bölgəyə daxil olması nəticəsində yeni okean dibinin yaranacağı bildirilir.

“Nature Communications” jurnalında dərc olunan tədqiqat çərçivəsində bölgədəki geoloji dəyişikliklərlə fosillərin qorunması arasındakı əlaqənin də daha ətraflı araşdırılacağı qeyd olunur.